بھیونڈی کی معزز شخصیات کی طرف سے مولانا سید معین میاں کا پُر زور استقبال جلوس محمدی کی تاریخ کو موخرکرناایک دانشمندانہ قدم تھا ( مولانا سید معین میاں )

معین میاں ہمیشہ قوم کے مفاد کو مد نظر رکھتے ہیں (الحاج محمد سعید نوری ) 

(اسٹاف رپورٹر )سنی مسجد بلال دو ٹانکی میں معین المشائخ کا شاندار اور والہانہ استقبال کیاگیا۔ عالمی تحریک رضا اکیڈمی بھیونڈی برانچ اور وہاں کی معزز شخصیات ،دانشوران نے اس بات پر خوشی کا اظہار کیا کہ معین المشائخ نے جلوس محمدی کی تاریخ کو موخر کرکے برادران وطن کے ساتھ جو یکجہتی کا پیغام دیا ہے وہ قابل ستائش ہے ۔ آپ کی دانشمندانہ قدم نے ریاست میں امن و شانتی کا ماحول بنایا ۔فرقہ پرست اپنے مقصد میں کامیاب نہ ہوسکے ۔ اس فیصلے کو اپنے اور غیر سبھی سراہنا کر رہے ہیں ۔  

ہم اہل بھیونڈی گل پوشی کے ذریعے معین میاں کا شکریہ ادا کرتے ہیں اور امید کرتے ہیں کہ اسی طرح آئندہ بھی قوم وملت کی قیادت کرتے رہیں گے ۔پیر طریقت قائد اہل سنت حضرت علامہ مولانا سید معین الدین اشرف اشرفی جیلانی، صاحب سجادہ، صدر آل انڈیا سنی جمعیۃ العلما نے اخباری نمائندوں سے بات چیت کے دوران کہا کہ میں نے یہ فیصلہ علمائے کرام، ائمہ عظام کی اتفاق رائے سے کیا تھا۔ تاریخ کو مؤخر کرنے کا مقصد یہ تھا کہ ممبئی اور ریاست میں امن کا ماحول بنا رہے الحمد للہ اس میں کامیابی ملی، کہیں بھی نا خوشگوار واقعہ رو نما نہیں ہوا ۔ بانی رضا اکیڈمی الحاج محمد سعید نوری نائب صدر آل انڈیا سنی جمعیۃ العلما نے کہا کہ معین المشائخ کا ہر قدم قوم کے مفاد میں ہوتا ہے ۔ آپ نے جو فیصلہ لیا وہ قوم کے حق میں بہتر تھا ۔ ہر محاظ پر آپ کی دور اندیشی قوم وملت کے لئے فائدہ مند ثابت ہوتی ہے ۔ اسی دوران عالمی تحریک رضا اکیڈمی کی جانب سے، علامہ عبدالمصطفے اعظمی کی سیرت کی مشہور زمانہ کتاب ، سیرت المصطفے کا رسم اجرا ،معین المشائخ ،الحاج محمد سعید نوری ،راجستھان سےآل انڈیا میلاد کونسل کےصوبائی صدر علامہ فضل حق کوٹوی کے ہاتھوں سے عمل میں آیا۔ پروگرام میں شہر اور بیرون شہر کی معزز شخصیات نے شرکت کی ۔ بالخصوص رضا اکیڈمی بھیونڈی شاخ کے صدر ،قریشی اویس رضا، جنرل سیکریٹری،وقاص رضا،  

اکرم مومن، ایڈوکیٹ منال انصاری، وقار مومن، صدام رضا قریشی، رئیس اختر انصاری، اعجاز شیخ، عبدا لصمد انصاری، مزمل شیخ ، شامل تھے